ဇွန်လအတွက် (၇) ရက် သားသမီး ဗေဒင် ။

ဆရာ Dr.Tin Bo Bo ၏  Web Link  : Compubaydathukhuma

                               Facebook    : ကွန်ပျူဗေဒ သုခုမ

           Dr.Tin Bo Bo's  Facebook : Dr.Tin Bo Bo

ဆရာ Dr.Tin Bo Bo ၏ အတွေးအခေါ် ၊ ဗေဒင်ပညာ
Probability နှင့် Possibility များကိုသေသေချာချာချိန်ဆ၍
တွက်ချက်ထားချင်းများကို ကြိုက်နှစ်သက် လေးစားပါသောကြောင့်
ယ္ခု  Post အား ဆရာ့ Website မှတဆင့် ကူးယူဖေါ်ပြပါသည် ။

# တနင်္ဂနွေ သားသမီးများ
သူ့ဖက်ကိုယ့်ဖက် မျှတအောင် ဆောင်ရွက်ညှိနှိုင်းမှုဖြင့် အလုပ်အကိုင် အကြံအစည်များ အထမြောက် အောင်မြင်မည့် ကာလဖြစ်သည်။ အကျဉ်းအကျပ် အခက်အခဲကြုံနေသူများ အခက်အခဲများမှ လွန်မြောက်နိုင်မည်။ အပေးအယူ နှင့် အလွှဲအပြောင်း ကိစ္စများ အောင်မြင်ပြီး အကျိုးခံစားခွင့်ရှိမည်။ အလှူဒါန ပြုရန် ကိစ္စများ ပေါ်ပေါက်မည်။ ထီပေါက်ကိန်းရှိသည်။ (၃, ၅, ၇, ၀) ဂဏန်းများ ပါအောင်ထိုးပါ။ (ဘဏ် . . စသည်တို့မှ) ချေးငွေ ချေးငှားရယူနိုင်မည်။ လက်အောက်လူ ၊ တပည့်တပန်း အကျိုးပေးမည်။ ရင်းနှီးမြုတ်နှံမှုများမှ အကျိုးအမြတ် ပြန်လည်ရရှိနိုင်မည့် ကာလဖြစ်သည်။ မိမိကျန်းမာရေး နှင့် မိသားစုကျန်းမာရေး ဂရုစိုက်ပါ။ အိုးအိမ် အပြောင်းအရွှေ့ အလုပ်အကိုင် အပြောင်းအလဲ ရှိနိုင်သည်။ ငွေကြေးကံ ကောင်းမွန်မည့် လ, တစ်လ ဖြစ်လိမ့်မည်။
ယတြာ - မွေးနေ့ တနင်္ဂနွေနေ့တွင် အုန်းသီးတစ်လုံးကို စီးဆင်းနေသော မြစ်၊ ချောင်း တစ်ခုခုအတွင်း စွန့်ပစ်လိုက်ပါ။
.
# တနင်္လာ သားသမီးများ
အနစ်နာခံလုပ်ဆောင်ခဲ့မှုများ၏ အကျိုးကျေးဇူးကို ပြန်လည်ရရှိ ခံစားရမည့် လ, ဖြစ်သည်။ ဂုဏ်ပြုခြင်း၊ ချီးမွမ်းခြင်းများ ခံစားရရှိမည်။ ဆရာသမား အကြီးအကဲများ၏ စောင့်ရှောက်မှုကို ရရှိမည်။ နာမည် ဂုဏ်သတင်း ကျော်ကြားမှု အထူးရှိမည့် ကာလဖြစ်သည်။ မိမိ ရည်မှန်းချက် ၊ အကြံအစည်များ အထမြောက် အောင်မြင်နိုင်မည့် ကာလဖြစ်သည်။ ငယ်ရွယ်သူများ အချစ်ရေးကိစ္စ အထူးအဆင်ပြေနိုင်သည်။ သို့သော် “စန်း” အပွင့်လွန်ပြီး လိင်ကိစ္စအရှုပ်အထွေးများလည်း ၀င်လာတတ်သည်။ တနည်းနည်းဖြင့် နာမည်ကျော်ကြားကိန်း ရှိတတ်သည်။ လက်ထပ်မင်္ဂလာပြုရတတ်သည်။ ငွေကြေးကံ အထူးကောင်းနေတတ်သည်။ ငွေစုငွေပုံဝင်ကိန်း ၊ ထီပေါက်ကိန်း ရှိတတ်သည်။ ယာဉ်ကား ၀င်ကိန်း ရှိသည်။
ယတြာ - နေအိမ်ဘုရားတွင် နာနတ်သီး (သို့) နာနတ်သီးဖျော်ရည် ကပ်လှူပူဇော်လိုက်ပါ။
.
# အင်္ဂါ သားသမီးများ
ယခုလအတွက် အောင်မြင်ရေး ၊ စီးပွားရေးပိုင်းတွင် တိုးတက်မည့် ကံတရားများ ရှိသော်လည်း ဘေးဥပဒ် မကင်းသော လ, တစ်လ ဖြစ်နိုင်သည်။ မတော်တဆ ထိခိုက်မှုများ သတိထားပါ။ အနုပညာရှင်များ ၊ နိုင်ငံရေးသမားများ လူထု၏ ထောက်ခံမှုကို ရနိုင်သော ကာလဖြစ်သော်လည်း အောင်မြင် ကျော်ကြားမှု နှင့် ဘေးဥပါဒ်တို့ ပူးတွဲဝင်ရောက်နိုင်သည့် ကံဇာတာမျိုး ရှိနေသည်။ တစ်စုံတစ်ခုသော ဆုံးရှုံးမှု တစ်ခုခု ကြုံရဖွယ် ရှိသည်။ ကျန်းမာရေး အနည်းငယ် ညံ့ကိန်း ရှိသည်။ ပျောက်ဆုံးနေသော အဖိုးတန်ပစ္စည်း တစ်ခု ပြန်လည်တွေ့ရှိတတ်သည်။ အခက်အခဲတွေ့နေသူများအား ကူညီလမ်းညွှန်မှု ပြုရမည့် ကာလဖြစ်သည်။ မိုးကြိုး နှင့် လျှပ်စစ်အန္တရာယ် သတိပြုပါ။
ယတြာ - အခမဲ့ ဆေးရုံတစ်ခုတွင် လျှပ်စစ်ပစ္စည်းတစ်ခုခု လှူဒါန်းလိုက်ပါ။
.
# ဗုဒ္ဓဟူး သားသမီးများ
မိမိကြံစည်ထားသော ရည်ရွယ်ချက် ၊ အလုပ်အကိုင်တစ်ခုကို စတင် အကောင်အထည် ဖော်နိုင်မည့် ကာလဖြစ်သည်။ သို့သော် နှောင့်နှေးကြန့်ကြမှု နှင့် အချိန်ဆွဲနေမှုများကြောင့် အကောင်အထည် ပေါ်ရန် နှေးကွေးနေတတ်သည်။ ပညာရေးကံ အထူးကောင်းမွန်နေပြီး အတတ်ပညာအသစ်များ ဆည်းပူးရတတ်သည်။ မိမိ၏ အရှိန်အ၀ါ နှင့် နာမည်ကျော်ကြားမှုများ ပိုမိုတိုးတက်မြင့်မားလာမည့် ကာလ ဖြစ်သည်။ ပိုမိုကောင်းမွန်သော ဘ၀တိုးတက်မှုအတွက် တစ်စုံတစ်ခုကို ကျောခိုင်း စွန့်လွှတ်ရဖွယ် ရှိသည်။ မဖြစ်မနေ လုပ်ကိုင်ရမည့် အထူးကိစ္စတစ်ခုကြောင့် ပုံမှန်လုပ်ငန်းများကို ရပ်ဆိုင်းထားရခြင်း (သို့) လက်အောက်ဝန်ထမ်းများအား ပုံအပ်ထားရခြင်းမျိုး ကြုံဆုံရနိုင်သည်။ ၀န်ထမ်းများ ရာထူးတိုးတက်ရန် အလားအလာကောင်းသော ကာလဖြစ်သည်။ သွားကိုက်သွားနာ ၊ ဒူးနာ ၊ အရိုးအဆစ် နာကျင်ခြင်းများ ခံစားရတတ်သည်။ လူပင်ပန်း စိတ်ပင်ပန်းမှု များမည့် ကာလဖြစ်သော်လည်း ပင်ပန်းသလောက် အကျိုးများ မည့် လ, တစ်လ ဖြစ်ပေလိမ့်မည်။
ယတြာ - မရှိနွမ်းပါးသူ သက်ကြီးရွယ်အို တစ်ဦးအား “ထီး” တစ်လက် ၀ယ်ပေးပြီး ကုသိုလ်ပြုလိုက်ပါ။
.
# ကြာသပတေး သားသမီးများ
ပညာရဲရင့် ပွဲလယ်တင့်မည့် ကာလဖြစ်ပြီး အသိပညာ အတတ်ပညာဖြင့် အသက်မွေးသူများအတွက် အောင်မြင်မှု ရရှိမည့် လ, တစ်လဖြစ်သည်။ သို့သော် ဘေးဥပဒ်လည်း မကင်းလှချေ။ ကျန်းမာရေး အညံ့ရှိပြီး ဆေးရုံဆေးခန်း တက်ရောက်ရဖွယ် ရှိသည်။ အသေးစား ခွဲစိတ်ကုသခံရကိန်းမျိုးလည်း ရှိတတ်သည်။ ဆုံးရှုံးမှုများအတွက် ၀မ်းနည်းကြေကွဲမနေဘဲ အနာဂါတ်ကို မျှော်ကြည့်ရမည့် ကာလဖြစ်သည်။ အတူနေ အဖော်, သူငယ်ချင်း (သို့) အိမ်ထောင်ဘက်ကြောင့် စိတ်ဆင်းရဲရကိန်း ရှိသည်။ လုပ်ငန်းခွင် ၊ လူမှုအသိုင်းအ၀န်းအတွင်း နာမည်ပျက်ကိန်း ၊ နာမည်ဖျက်ခံရကိန်း များ ရှိနေသည်။ စိတ်ဓာတ် တက်/ကျခြင်း ၊ ပျော်ရွှင်/၀မ်းနည်းခြင်း ၊ မျှော်လင့်ခြင်း/တွေဝေခြင်း စသည့် စိတ်အပြောင်းအလဲ အတက်အကျများစွာ ဖြစ်ပေါ်နိုင်သည့် လ, တစ်လ ဖြစ်သည်။
ယတြာ - အနက်ရောင် သတ္တ၀ါ တစ်ကောင် (ခွေး ၊ ကြောင် ၊ ကျီး ၊ အနက်ရောင် ငါး .  . စသည်) ကို ပေါင်မုန့် (၅)လုံး ကုန်အောင် ကျွေးပါ။ အခက်အခဲ ရှိရင် ကိုယ့်မှာ ရှိတဲ့ အနက်ရောင် အ၀တ်အစားတစ်ခုကို စွန့်ပစ်လိုက်ပါ။
.
# သောကြာ သားသမီးများ
အောင်မြင်ပျော်ရွှင်ဖွယ်ကောင်းသော ကာလတစ်ခုဖြစ်မည်။ မပြီးပြတ်ဘဲ ဖြစ်နေသော လုပ်ငန်း ၊ စီမံကိန်းတစ်ခုကို အပြီးသတ်နိုင်ခြင်းကြောင့် စိတ်ချမ်းမြေ့မှု ရရှိမည့် ကာလဖြစ်သည်။ ခရီးသွားလာရကိန်း ရှိသည်။ နိုင်ငံရပ်ခြားနှင့် ပတ်သက်နေသော လုပ်ငန်းများ အောင်မြင်မှု ရရှိမည်။ ငွေအထွက်များနေမည်။ ရင်းနှီးမြုတ်နှံမှုများတွင် အရှုံးပြနေတတ်သည်။ ရပ်ဝေးနေ ဆွေမျိုး ၊ အပေါင်းသတင်းများထံမှ သတင်းကောင်း ကြားရမည် (သို့) လက်ဆောင်ကောင်း ရတတ်သည်။ အနုပညာသမားများ နှင့် နိုင်ငံရေး နယ်ပယ်မှ သူများအတွက် လူထုထောက်ခံမှုကို များစွာ ရရှိနိုင်သည့် လ, တစ်လ ဖြစ်မည်။ အောင်မြင်ကျော်ကြားတတ်သော်လည်း ငွေကြေးကံ မကောင်းလှသော လ, တစ်လဖြစ်လိမ့်မည်။
ယတြာ - လမ်းပြုပြင်ခြင်းများတွင် အလှူငွေ ထည့်ဝင်ခြင်း ၊ ခရီးသွားရန် အခက်အခဲဖြစ်နေသူများကို ခရီးစားရိတ်လှူဒါန်းခြင်းများ ပြုလုပ်ပေးပါ။
.
# စနေ သားသမီးများ
မိမိရပိုင်ခွင့် ၊ နေရာဌာန ၊ အကျိုးစီးပွားများကို အပြင်းအထန် ကာကွယ်ရမည့် ကာလဖြစ်နိုင်သည်။ အပြိုင်အဆိုင် များ နှင့် အကြိတ်အနယ် ယှဉ်ပြိုင်ရဖွယ် ရှိသည်။ သက္ခတ်ညံ့သူများ တရားတဘောင် အမှုအခင်း ဖြစ်နိုင်သည်။ အတိတ်တွင် အမှားများစွာ လုပ်ခဲ့သူများအတွက် ပြန်လည်ပေးဆပ်ရတတ်သည့် အခြေအနေ မျိုး ကြုံရနိုင်သည်။ “လောကပါလတရားရှင်မှ မကောင်းသူဖယ် ၊ ကောင်းသူကယ်”မည့် ကာလဖြစ်သည်။ အဟောင်းများ အသစ်ပြန်ဖြစ်တတ်သည်။ နာမည်ပျက်ကိန်း အလွန်များတတ်ပြီး မကောင်းသတင်းကျော်စော တတ်ဖွယ်ရှိသည်။ လောဘအလွန်ကြီးပြီး ကိုယ်ကျိုးသက်သက်သာ ကြည့်တတ်သူများ ဒုက္ခမျိုးစုံ ကြုံရဖွယ် ရှိသည့် လ, တစ်လဖြစ်နိုင်သည်။ ထို့ကြောင့် မကောင်းသော အကုသိုလ်မှုများကို ယခုလတွင် တတ်နိုင်သလောက် ရှောင်ကျဉ်ပါ။ မိမိဆွေမျိုး ၊ ရင်းနှီးသော မိတ်ဆွေများ အတွင်း နာရေးကိစ္စ ကြုံရတတ်သည်။ မိမိကိုယ်တိုင်လည်း ကျန်းမာရေးကို အထူးသတိပြုပါလေ။
ယတြာ - ဆေးရုံ ၊ ဘိုးဘွားရိပ်သာ ၊ မသန်စွမ်းသူများဂေဟာ စသည့် နေရာ တစ်ခုခုတွင် ဒါနမှု တစ်ခုခုကို ပြုပါ။ တတ်နိုင်လျှင် တစ်လအတွင်း (၃)နေရာပြည့်အောင် အလှူဒါနပြုပါ။ အညံ့လွတ်နိုင်ပါသည်။
.
# ရာဟု သားသမီးများ
ထီဆုကြီး ပေါက်ကိန်း (သို့) တနည်းနည်းဖြင့် ငွေစုငွေပုံ ၀င်ကိန်း ရှိတတ်သည်။ သို့တည်းမဟုတ် ဆုတံဆိပ် ၊ ဘွဲ့ထူးဂုဏ်ထူးများ ချီးမြှင့်ခံရတတ်သည်။ မိမိ၏ ကြိုးပမ်းအားထုတ်မှုများအတွက် ၀မ်းသာကြည်နူး ဖြစ်ရမည့် ကာလဖြစ်သည်။ ကြိုးစားအားထုတ်မှု၏ အသီးအပွင့်ကို ခံစားရမည့် အချိန်ဖြစ်သည်။ ပညာဂုဏ်ရောင် ထွန်းပြောင်မည့် ကာလဖြစ်သည်။ ကျန်းမာရေးကမူ ချူခြာ အားနည်း နေတတ်သည်။ ရုတ်တရက် နာဖျားမကျန်းမမာ ဖြစ်တတ်သည်။ ရွှေအရောင်း/အ၀ယ် အမှားဖြစ်တတ်သည်။ မိတ်ကောင်းဆွေကောင်းဟု ယူဆထားသူတစ်ဦး၏ မရိုးမသားလုပ်မှုကို ခံရဖွယ် ရှိသည်။ လိင်စိတ်ဆန္ဒများ များပြားတတ်သော လ, ဖြစ်ခြင်းကြောင့် အလွန်အကျွံမဖြစ်အောင် ထိန်းသိမ်းသင့်ပေသည်။ အဆင်မသင့် လျှင် ထိုကိစ္စကြောင့် နာမည်ပျက်ကိန်း ရှိတတ်သည်။
ယတြာ - မကြာမှီ မွေးဖွားတော့မည့် ကိုယ်ဝန်ဆောင် မိခင်တစ်ဦးအား ကလေးအနှီး နှင့် ကလေးအသုံး အဆောင်ပစ္စည်းအချို့ကို လက်ဆောင်အဖြစ် ပေးလိုက်ပါ။ ထီထိုးလိုလျှင် (၃, ၅, ၀, ၇) ဂဏန်းများ ပါအောင် ထိုးပါ။
.
(၇)ရက် သားသမီးများ ဘေးရန်ခပ်သိမ်း ကင်းငြိမ်းကြပါစေသော်။
.
ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)

Posted in: ဝေမျှခြင်း။, ဗေဒင် ။